Egoera horren erantzunkizuna prezioa ordenantza fiskal bidez ezarri duen udal gobernuarena dela nabarmendu du EH Bilduk. “Joan zen hilabetean izan genuen aukera tarifak berrikusi eta egokitzeko, baina igerilekuak kudeatzen dituen enpresak egindako proposamena irten zen aurrera”. Erabaki horren ondorioz, “kaltetuak, instalazioak erabiltzen dituzten herritarrak” direla azpimarratu dute.
Urteroko sarrera eta gastuen balantzea aztertu eta tarifak egokiak diren edo ez erabakitzeko beharra dagoela dio EH Bilduk, baina gobernu taldeak ez daukala horretarako borondaterik. “Beste herri batzuetan bestelako tarifak egotea posible bada, gure herrian zergatik ez?”, galdetzen du koalizioak.