Interesa eta eztabaida piztu ditu proposamenak, eta familien %98k hartu du parte bozketan. Gainera, ez da lehenengo aldia Traña-Matienako eskolan gai horren inguruan botoa ematen dutena. Duela bi urte, orain baino jende gutxiagok egin zuen aldaketaren alde (%65ek).
Aldaketarako arrazoiak
Ordutegi aldaketa proposatu duten gurasoek diotenez, ez da beharrezkoa eguerdian horren geldialdi luzea egitea (12:30etik 15:00etara). Guraso horien berbetan, bazkalosteko tarte horretan gertatzen dira umeen arteko elkarbizitza arazorik gehienak. Etxera ailegatzeko ordua aurreratzea, bestalde, onuragarria litzateke umeentzat, guraso horien ustez: arratsaldeko ekintzak lehenago amaitu, eta hurrengo egunean deskantsatuago egotea ahalbidetuz.