Hamar saio egingo dituzte guztira, eta iaz sartu zuten lehiaketa sistema bera erabiliko dute. Antolatzaileek bizkaitarrak eta gipuzkoarrak banatu dituzte. Saio bakoitzean probintzia bereko ganadutegiak arituko dira, amaieran probintzia biek irabazteko aukera gehiago izan dezaten.
Faboritoak ere talde ezberdinetan jarri dituzte. Horrela, San Blas egunaz gain, hurrengo egunetan ere erakarri gura dute jendea probalekura. Faboritoen taldean, Kamiñoko Jatetxea, Lopiortu, Laski eta Oliden daude.
San Blas eguneko saioa
San Blas eguna izaten da egunik handiena. 17:00etako saioan Zamudioko Zumeltxu, Oiartzungo Artola eta Errenteriako Intziarte izango dira Abadiñoko probalekuan. Eta 22:00etan, Lasarte-Oriako Nerea Telleria, Bermeoko Aurrekoetxea Anaiak eta Bakioko Txomin Errenteria arituko dira.