Atzo aurkeztu zuen EH Bilduk eskaria udaletxean, batzarrerako hiru puntuko gai ordena proposatuz. Honakoak dira EH Bilduk kontseiluetan parte hartzen duten herritarrekin jorratu gura dituen gaiak: kirol eta kultur taldeen diru languntzak, udalaren kirol eta kultur eraikinen araudiak eta kide berrien izendapena.
EH Bilduk kritikatu du duela bost urte martxan jarri zirenetik, gobernu taldeak birritan baino ez dituela deitu kontseiluok —nahiz eta 2012an onarturiko kontseiluen arautegian urtean gutxienez lautan bildu beharra dagoela zehazten den.
"Ez dugu ulertzen gobernu taldeak zelan uzten dituen mota honetako tresnak herdoiltzen eta baliogabetzen", adierazi du EH Bilduk, "are gutxiago, aspaldi honetan dauden arazoekin: araudirik ez delako landu Traña-Matienako erabilera anitzeko guneko rokodromoa ez dagoenean erabilgarri, edo herriko hainbat elkarte diru laguntzak atzerapenez jasotzen ari direnean", dio EH Bilduk. Elkarteek beraien esparruko gaietan lan egiteko foro iraunkor bezala, kontseiluak tresna baliagarriak direla uste du EH BIlduk.