Ohar horretan azaltzen denez, bi fasetan ipiniko dituzte seinaleak. Lehenengo fasea datorren urtean burutzeko asmoa du udalak, eta horregatik, 12.500 euroko partida bat dago 2017ko aurrekontuan lan horiek burutzera bideratuta. Iñaki Rekalde Landa Garapen, Merkataritza eta Turismo arloko zinegotziak azpimarratu duenez, "baserri auzoetan daude Abadiñoko txoko atseginenetako batzuk, eta baita aukera zoragarriak ere txangoak eta aisialdiko beste hainbat ekintza osasuntsu egiteko".
Bestelako egitasmoak
Baserri auzoetan hobekuntzak egiteko beste hainbat egitasmo ditu Abadiñoko Udalak 2017rako: bide bazterrak garbitzera bideratuko dituzte 14.100 euro, eta 13.000 gutxi argiztatutako baserri inguruetan argitaria hobetzera. Bestalde, iaz martxan ipini zuten auzotaxi zerbitzuak indarrean jarraituko du datorren urtean ere, eta gobernu taldeak azaldu duenez, udalak diru-laguntzak eskainiko ditu baserrietako putzu beltzen garbiketa errazteko.