Euria eginez gero, auzoko aterpean leku mugatua dagoenez, abadiñarrek bakarrik ipini ahalko dituzte erakusmahaiak Muntsaratzeko bigarren eskuko azokan. Azokaren antolatzaileek aurreratu dutenez, hamabost partaidek eman dute izena hirugarren edizio honetarako. Aurreko bi edizioetan bezala, azokan eskuragai izango diren gauzarik gehienak umeentzako artikuluak izango dira: karrotxoak, jolasak, bizikletak... Baina, besteak beste, arropak eta altzariak ere topatuko dituzte azokara doazenek.