Joan zen astean burutu zuten urriko osoko bilkuraren galdera eta eskarien tartean mahaigaineratu zuen EH Bilduk gaia, eta, asteon, Mikel Urrutia koalizioaren bozeroaleak adierazi duenez, “ondo deritzogu azterketa egiteari, baina emaitzak jaso bitartean ezin gara ezelako erabakarik hartu barik egon”. Urrutiak “arazoari daukan garrantzia eman eta soluzio bat bilatu” beharra dagoela dio. Gaia ingurumen arloko erakundeei helaraztea eskatzen du Abadiñoko EH Bilduk.
Urrutiaren berbetan, “ez da arazo esporadiko bat”, eta Navarrok ere adierazi du lehenago ere hainbat aldiz agertu dela Muntsaratz belztuta. Aurreko aldi horietan kutsadura auzoan dagoen fundiziotik zetorrela ondorioztatu, eta enpresagaz hainbat neurri adostu zituen udalak, kutsadura ekiditeko helburuz.