17-30 urte bitarteko gazteek aukera izango dute Errota Kultur Etxean egingo den tailer honetan parte hartzeko. Hitzordua azaroaren 5ean izango da goizeko 10:00etatik 14:00etara. Izena emateko epea zabalik dago urriaren 28ra arte eta doakoa izango da Abadiñon erroldatutako gazteentzat. Kanpokoentzako bost euroko kostea izango du. Matrikulazioa Errotan bertan zein Udal Medietekan egin daiteke.
Ima Zapardiez gazteria arloko zinegotziaren hitzetan tailer honetan "tresnak eman nahi dizkiegu neska-mutilei jakin dezaten nola bereiztu beren burua eta errazago gerta dakien lana aurkitzea".