Uztailaren 9koa, berriz, erromeriazaleen gaua izango da Mendiolan: Luhartz taldea arituko da, 22:00etan. Erromeria hasi orduko, egun osoan, beste hainbat ekintza izango dira bihar Mendiolako jaietan: auzoko baserrien argazkien erakusketa egingo dute, 11:30ean; meza, 12:00etan; kotxe zaharren erakusketa, 13:00etan; eta herri bazkaria, 14:30ean. Bazkalosteko umeen jolasen ostean, ardi-txakurren txapelketa eta tortilla txapelketa egingo dituzte.
Barikua eta zapatua ondo aprobetxatuta, domekan dantzarien emanaldia izango da, 12:30ean, eta Mariachi Amatitán taldearen zuzeneko musika, 20:30ean. Mariatxien saioaren ostean kenduko dute Donien Atxa.