Bi ama-alaben ibilerek gidatuta, Abadiñoko hainbat leku ikusgarritan barrena darama bideoak ikuslea. Besteak beste, Urkiolako Parke Naturala, Alluitz, Aitz Txiki eta Untzillaitz mendiak agertzen dira, edo baita Muntsaratzeko dorrea eta hainbat jauretxe. Herriko kultur eta kirol arloko hainbat tradizio ere erakusten ditu bideoak.
Udalak azaldu duenez, bideoaren hainbat ale DVD formatuan ere atera dituzte, eta ekitaldi instituzionaletan banatuko dituzte.