Bigarren eskuko arropa eta askotariko objektu eta tresnak salduko dituzte azokan. Erakusmahaia ipintzeko, bost euro ordaindu beharko du partaide bakoitzak, eta izen-ematetik lortutako dirua Saharako errefuxiatuen kanpamentuetan lanean diharduen Kantabriako AMPROS elkarteari emango diote. Adimen urritasuna duten pertsonei laguntzen die elkarte horrek Saharako kanpamentuetan.
Aurreko urteetan ere parte hartu izan dute Atxarte egoitzako kideek Abadiñoko bigarren eskuko azokan. Aurten, baina, beraien esku egon da azokaren antolakuntza.