Abadiñoko udalak Muruetako lurrak birkalifikatu eta hainbat saltoki zabaltzeko plana zuela iragarri ondoren, herriko hainbat komertziok Kaleartean plataforma sortu zuten. Eskualdean gai honen inguruko hainbat eztabaida sortu ondoren, Mercadonak Abadiñon saltokia zabaltzea alboratu duela jakitera eman zuen pasadan asteburuan.
Lidlek berriz, proiektuarekin aurrera jarraitzen duela adierazi dio ANBOTOri. Enpresa horretako ordezkariek adierazi dutenez, beraien hasierako asmoak mantentzen dituzte eta proiektuaren eboluzioaren zain daude. Bestalde, Lidleko ordezkariek nabarmendu gura izan dute, "denboratxo bat" daramatela Durangaldean, Iurretan zehazki, inguruko herritarrei beraien zerbitzuak eskaintzen.