Abadiñoko udaleko gobernu taldeak orain aste batzuk iragarri zuen bezala, Lidl eta Mercadona enpresek herrian saltoki berriak zabaldu ahal izateko, Murueta auzoko lursailaren izenbapena aldatu behar du Abadiñoko Udalak. Lursail hori jarduera ekonomikorako baliatzea ahalbidetzeko, herriko Arau Subsidioarioak aldatu beharko lituzke udalak. Herriko hirigintza araudian aldaketa horiek egiteko, baina, parte hartze prozesu ez lotesle bat egin behar du udalak, EAEko Lurzoruaren Legearen arabera. Prozesu horren barrukoa da asteleheneko batzarra.