Bestetik, EH Bilduk egotzi dion “informazio ezkutatzerik” ez dela gertatu ere esan du Jose Luis Abadiñoko alkateak. “Eskolako obraren eraikitzaileagaz zeuden arazoen berri udaleko batzordeetan jaso dute”. Navarroren berbetan, informazioa zabaltzeko beharrik ez dute ikusi, bere ustez hori egiteak “alarma” sortzeko baino ez bailuke balioko.
Abadiñoko alkateak esan duenez, EH Bilduk gaia plazaratu duen momentuan, obra amaierako ziurtagiria eman ez duen enpresari espedientea zabaltzeko prozesuan zegoen Abadiñoko Udala. Aterpearen segurtasunaren inguruko beste txosten tekniko bat eskatuko duela ere aurreratu du alkateak, eta, horren arabera erabakiak hartu.
