Bilboko Mendi Film Festival jaialdian sarituriko Urzulo filma emango dute, urtarrilaren 26an, 19:00etan, Traña-Matienako Errota kultur etxean. Aloña mendi taldearen lana da aipaturikoa, eta euskarazko film onenaren saria jaso zuen Bilboko zinema jaialdian.
Bestalde, Mañariako Askondo kobazuloan egindako aurkikuntzen inguruan, Primeros habitantes, primeros artistas izenburuko berbaldia eskainiko dute, Diego Garate eta Joseba Ríos arkeologoek, urtarrilaren 28an, 19:00etan, Errota kultur etxean.
1987an Abadiñon sortu zuten GEMA espeleologia taldeak antolatu du I. Espeleo Aste hau, sortu zenetik Durangaldeko eta Arratiako 400 kobatik gora katalogatu dituen taldea.