Abadiñoko Udalak 2014ko otsailaren 10ean Boca Bilbao SL enpresari Muruetako merkatal zentroan Burger King kateko saltoki bat zabaltzeko lizentziak Lurralde Plan Sektorialak finkatutako gehienezko azalera komertzialaren muga hautsi zuela iritzita Bizkaidendakek epaitegietara jo zuen. Abadiñoko Udalak dioenez, "Lurralde Plan Sektoriala ez da hautsi, lurzoru industrialean baimenduta zegoelako taberna-jatetxe erabilera, eta batez ere ez direlako handitu gune horretako azalera eta eraikigarritasuna". Beraz, orain, epai honek ezetsi egin du 2014an Bizkaidendaken errekurtsoa bertan behera uzten zuen alkatetza dekretuaren aurka elkarteak jarritako berraztertze errekurtsoa.