Automedikazioaren arriskuez ohartaraziko dituzte Abadiñoko entzuleak, eta sendagaiak beti medikuaren jarraibideen arabera hartu behar direla ere nabarmenduko dute.
Kontsumobidek, Eusko Jaurlaritzako Kontsumoko Euskal Institutuak, Medikazioa eta automedikazioa izenburuko berbaldia eskainiko du, Abadiñon. Bihar, ekainaren 10ean izango da hitzordua, 17:00etan, San Trokaz nagusien elkartean. Batetik, sendagaiak ondo erabiltzearen garrantzia azpimarratuko dute saio horretan, eta, bestetik, medikamentu bakoitza dagokion dosi eta maiztasunagaz hartzeak daukan inportantziaz ere jardungo dira.
Automedikazioaren arriskuez ohartaraziko dituzte Abadiñoko entzuleak, eta sendagaiak beti medikuaren jarraibideen arabera hartu behar direla ere nabarmenduko dute.