Zoomba maratoi solidarioa egingo dute, Zelaietan, bihar

Hiru ordu t'erdiko ekimena izango da, eta besteak beste, dantza latinoko —regetoia, salsa, merengea...— eskolak hartzeko eta Bizkaiko hainbat talderen erakustaldiak ikusteko aukera egongo da. Maratoian parte hartzeko hiru euro ordaindu beharko dira, eta beharrizana duten herritarren artean banatzeko borondatea ere emango dute bertaratzen diren herritarrek.

Javier Crespo Abadiñoko Udaleko gizarte ekintza arloko zinegotziak azaldu duenez, iaz 760 euro batu zituzten ekimen honegaz. "Oso ekimen polita eta dibertigarria da", esan du Crespok, "berriro erakutsiko dugu zenbaterainokoa den abadiñarren elkartasuna krisiak jotako herritarrekin".