Martin eta Mikel Petite aita-semeek pozik hartu dute albistea. Petite liburu-dendan zigilatu dute bost zenbakiak eta osagarria asmatu dituen Bono Loto lehiaketako txartel irabazlea. Txartelaren jabeak guztira 104.539 euro eramango ditu poltsikora. "Oraindik ez dakigu nor den txartelaren jabea, beraz, baliteke oraindik berak ere ez jakitea", azaldu du Mikel Petitek.
Errege Eguneko loteriak ere saria utzi du Abadiñon. Traña-Matienako administrazioan saldu dituzte Errege Eguneko loteriaren bigarren sariko berrogei dezimo. 43.743 zenbakiak, guztira, 5,5 milioiko saria izan du, eta Abadiñon 3 milioi banatu dira dezimoa erosi dutenen artean.