Bihar, Zelaietako Haurreskola itxita egongo da. Abadiñoko udalak jakitera eman duenez, eraikinaren barruko sabaiko panel bi lurrera erori dira, eta konponketak egiteko itxiko dute eraikina. Inork ez duela minik hartu azpimarratu dute prentsa ohar bidez. Instalazioa egin duen enpresak panel guztiak aztertuko ditu "antzeko arazorik berriro ez gertatzeko". Umeak astelehenean itzuli ahal izango dira geletara.