Goi-tentsioko kable bat apurtu da Abadiñoko Astola auzoko Metal Performers enpresaren ondoan, gaur, eguerdiko 11:45ean. Ertzaintzak jakitera eman duenez, kablea enpresaren aurrealdean gelditu da txinpartak eraginez. Iberdrolako teknikariak eta suhiltzaileak bertaratu dira kablea konpontzera. Enpresan korronte elektrikoa moztu egin dute. Hasieran sutea izan zitekeela zirudien arren, txinpartek ez dute surik sortu.