Urkiolako parke naturalean elkartuko dira ekitaldian parte hartuko dutenak, bihar, 10:00etan, eta 10:30ean moztuko dute inaugurazio zinta. Horren ostean, ibilbidearen zati bat egingo dute bertaratzen direnek elkarrekin. Hiru orduko mendi buelta egingo dute zaldian, eta, Urkiolako santutegiaren inguruan, jan-
edanean elkartuko dira ibilbidea amaitzerakoan.
Antolatzaileek azaldu dutenez, ekitaldietan parte hartzea doakoa izango da, baina izena eman behar da ibilbidean zein osteko parriladan parte hartzeko: urkiola@urkiola.org helbidean eman daiteke izena.
Landa eremuetan bestelako turismo mota bat bultzatu gura izan du Urkiola landa garapen elkarteak zaldunentzako ibilbide hori atonduta. “Bertako ekonomia dibertsifikatzea eta berpiztea” du helburu elkarteak.