Gainera, Mendiolako jaietan tradizio handia duen hitzordu bat izango da bihar, 17:30ean: artzain-txakurren txapelketa. Tortilla txapelketagaz, Luhartzen erromeriagaz, bolo txapelketagaz eta txokolate-janagaz amaituko dute eguna.
Eguaztenean hasi zituzten Mendiolako jaiak, eta Jai Batzordeak domekara arteko egitarau zabala antolatu du. Domekan, 13:00etan kenduko dute Donien Atxa. Baina horren aurretik meza, Alluitz dantza taldearen emanaldia eta jaietako errifen zozketa egingo dituzte.