Batzokian elkartuko dira, maiatzaren 18an, 13:30ean, eta “kalejira elektorala” egingo dute Zelaietan zehar: Izaskun Bilbao europarlamentaria eta Itxaso Atutxa Bizkai Buru Batzarreko burua gonbidatu dituzte ekitaldi horretara.
Ondoren, Zelaieta Hotelean batuko dira jeltzaleak bazkaritara. Antolatzaileek esan dutenez, maiatzaren 11ra arte eman daiteke bazkari horretara joateko izena, Batzokian bertan.
Bestalde, maiatzaren 21ean Agirre Lehendakariaren bizitza izenburuko berbaldia eskainiko du Iñaki Goioaga Sabino Arana Fundazioko historialariak.
Alderdiaren historian “euskal nazionalismoaren ideal legitimo eta demokratikoen zabalkundean lan egin duten lagun guztiei omenaldi xume bat egitea” da urteurreneko egitarauaren helburua.