Elorriotik datorren BI-732 errepideak N-634 errepide nazionalagaz bat egiten duen tokian, Eroski supermerkatuaren ondoan, hormigoi-kamioi bat irauli da 16:00etan. Gidaria kamioitik atera dute eta une honetan (17:05) tokian bertan artatzen ari dira, anbulantzian ospitalera eraman aurretik.
Kamioi gidaria da istripu horretan zauritu den lagun bakarra. Ertzaintzako prentsa bulegoaren esanetan, hanka biak apurtuta izan ditzake. 17:00 inguruan lortu dute gidaria kamioitik ateratzea eta segituan ospitalera eramango dute. Ondorioz, N-634 errepideko norabide zati hori itxita dago eta barrualderantz (supermerkatuko biribilgunerantz) desbideratu dute trafikoa.