Ikasturte honetan euskara ikastera joan diren herritarrek eskatu dezakete Abadiñoko Udalak eskaintzen duen diru-laguntza. Irailaren 2an zabalduko dute izena emateko epea, eta hilabete guztian zehar edukiko da eskariak aurkezteko aukera.
Errota kultur etxean edo udal mediatekan aurkeztu daitezke diru-laguntza eskabideak. Eskari orria, NANaren fotokopia, matrikula ordaindainketaren agiria, euskaltegiaren ziurtagiria eta kontu-zenbakia eman behar dituzte diru-laguntza eskaria egin gura dutenek.
Herrian erroldatuta egotea eta gutxienez ikastaroen %80ra joan izana dira diru-laguntzaren eskatzaileek bete behar dituzten baldintza nagusiak.
Gobernu taldeak jakinarazi duenez, iaz 43 herritar izan ziren diru-laguntza hau jaso zutenak, eta 10.000 euro eman zituen Abadiñoko Udalak, guztira.