Domekan meza eta luntxa egongo dira Martzaan; Apatan ume jolasak egongo dira.
Domekan San Martin jaiak ospatuko dituzte Apatan eta Martzaa auzoan. Ohiturari eutsiz, Martzaan meza emango dute 11:30ean eta ondoren luntxa egongo da bertaratzen diren auzotar guztientzat. Datorren barikuan, berriz, Martzaako jai batzordeak bazkaria ordainduko die herriko jubilatuei. Oraindik erabaki barik dute non, baina Atxondoko jatetxe batean izango da.
Marixurrike eta jolasak
Apatan 17:30ean hasiko dira On Martin eguna ospatzen herriko pilotalekuan. Lehenengo Marixurrike aisialdi taldeak umeentzako hainbat jolas egingo ditu. Ondoren, 19:00 inguruan, udalak txistorra banatuko du batzen diren herritarren artean.