Herritarrei aisialdirako askotariko eskaintza luzatu die udalak 2012-2013 ikasturterako. Hainbat ikastaro lehenengoz eskainiko dituzte: erritmo latinoak eta aerobic nahasten dituen zunba izenekoa; emakumeentzako bereziki osasungarri diren ariketak uztartzen dituen gimnasia hipopresiboa; argazkilaritza digitalari buruzkoa; eta beira lantzeko ikastaroa antolatu dituzte, esaterako.
Beste urte batzuetan eskaini dituzten hainbat ikastaro ere mantenduko dituzte, gainera: batuka, tai chi, areto dantzak, aerobic, sukaldaritza, masajea, pintura eta yoga, besteak beste.
Urrian hasi eta ekainean amaituko dira ikastaro gehienak, eta irailaren 28ra arte dago izena emateko aukera.