Saltoki handi baten 527 euro baliodun kosmetikoak lapurtzen saiatzeagatik emakume bi atxilotu zituen, atzo, Ertzaintzak Abadiñon. Segurtasuneko langileek, kutxatik igaro gabe, denda uztera zihoazen momentuan atzeman zituzten 22 eta 44 urteko emakumeak.
Atzoko 16:00etan atxilotu zituzten emakumeak. Emakume bi atzeman ondoren Ertzaintzari eman zioten abisu segurtasuneko langileek. Ertzaintza bertaratuta identifikatu eta atxilotu egin zituzten emakume biak, 527 euroko baliodun kosmetikoak lapurtzen saiatzeagatik. Ertzain-etxera eroan zituzten atestatua egiteko eta, ondoren, aske utzi zituzten hurrengo orduetan epailearen aurrean aurkeztu zitezen.