Inoizko parte-hartzerik altuena izan du Abadiñoko Udalak antolatzen duen ipuin lehiaketak: 139 ipuin jaso dituzte aurten. Gaur egin dute sari banaketa ekitaldia.
Traña-Matienako eskolan gaur egin duten jaian egin dute sari banaketa ekitaldia, eta 60 eta 120 euro arteko sariak jaso dituzte irabazleek.
Gazteek euskaraz idazteko zaletasuna har dezaten du lehiaketak helburu. Aurten lehenengoz, irabazle guztien lanak udalaren webgunean zintzilikatuko dituzte, gainera.