Bizkaiko Foru Aldundiak jakinarazi duenez, ekainaren 23an zabalduko dituzte AP8ko Gerediagako lotune berria eta Iurreta arteko zerbitzua eskainiko duen hirugarren erreia
Lanak iazko udazkenerako amaitzea aurreikusi zuen Aldundiak lehenengo, eta martxora atzeratu zituzten gero. Beraz, urte beteko atzerapenagaz inauguratuko dute Aldundiko arduradunek azpiegitura berria.
Besteak beste, hiru peaje berri eta hiru biribilgune eraiki dituzte Abadiñoko Gerediaga auzoan, eta 47 milioi euroko aurrekontua izan du obrak.
Ibilbide tartea doan
Aldundiaren esanetan, N-634 errepideak Iurretan sortzen duen erazgopenak murrizteko, AP-8a Iurreta eta Gerediaga artean hartzen dutenek, tarte hori dohainik egin ahal izango dute. Iurreta-Gerediaga tartea dohainik izango da noranzko bietan. Gerediagan sartu eta Bilbora joateak 2,8 euroko kostua izango du; Iurretatik Bilborako tartea 2,01 euro da. Beraz, 79 zentimo garestiagoa da Gerediagatik Bilbora joatea. I. Esteban