Dani Maeztu Aralarreko legebiltzarkideak mahaigaineratuko du Atxarteko harrobiaren berreskurapen proiektuaren inguruko galdera Eusko Legebiltzarrean. Martxoaren 30ean, 09:30etan hasita burutuko duten kontrolerako bilkuran egingo dio Maeztuk Pilar Unzalu ingurumen sailburuari galdera.
Aralarrek ezinbesteko jotzen duen ingurumen inpaktuari buruzko azterketarik barik Atxarte eta Atxa-Txiki inguruen "lehengoratzeko egitasmoa zergatik onartu duen" galdetuko dio Dani Maeztuk ingurumen sailburuari.