Berdintasun arloko abokatu bik herritarren kontsulta juridikoak erantzungo dituzte, Trañabarren kalean ipiniko duten erakusmahai batean.
Martxoaren 20an egongo dira bertan, 17:30etik 19:30era. Udalaren Berdintasun sailagaz elkarlanean, Anbotoazpiko Damak, Denon Artean eta Geu Be elkarteek antolatu dute martitzeneko ekimena, martxoaren 8rako atondu zuten egitarau zabalaren barruan.
Hainbat gairen inguruko zalantzak argituko dituzte: aitatasun eta amatasun baimenak, senideak zaintzeko lizentziak eta lan-utzialdiei, genero indarkeriaren biktima diren emakumeen lan-eskubideak, pentsioak...
“Abadiñon lehenengo aldiz eskainiko den zerbitzu honen bidez, informazioa eman gura diegu herritarrei”, dio Yanire Moreno zinegotziak. “Gizon eta emakumeen arteko benetako berdintasuna lortzeko”.