Helikopteroz Galdakaoko ospitalera eraman dute 26 urteko gaztea.
Arratsaldeko 14:50 inguruan, SOS Deiak 112 Emergentzien Koordinaziorako Zentroak, dei bat jaso du Anboto menditik Urkiolarantz jaisten zebilela gazte bat erori eta zauritu egin dela jakinaraziz. Durangoko komisariako hainbat patruila-auto eta Ertzaintzaren Mendi Unitateko kideekin osatutako helikopteroa bertaratu dira segituan. 26 urteko gazteak “hainbat kolpe zituen gorputzean eta baliteke klabikula ere apurtuta izatea”, Ertzaintzak argitu duenez. Helikopteroan Galdakaoko ospitalera eraman dute.