Urtarrilaren 13an, joan zen barikuan abiatu zuten Frantziako Poitiers Vivonne espetxean preso dauden Eneko Zarrabeitia abadiñarrak eta Gorka Azpitarte kideak gose greba mugagabea.
Euskal preso biei elkartasuna helarazteko bidalitako oharrean, preso biak bakartuta dauzkatela eta “zigor bidegabe hori kendu arte" gose greban jarraitzeko asmoa agertu dutela diote. "Euskal preso politikoek Frantziako espetxeetan sufritzen dituzten bidegabeko egoerak" salatu dituzte Zarrabeitiak eta Azpitartek.