Traña-Matienan bizi den, eta abuztuaren 16an 100 urte bete zituen Casimira Verde herrikideari omenaldia egin zion Abadiñoko udalak atzo.
Atzo eguerdian, Jubilatuen Traña-Matienako etxean, eta familiakoek eta lagunek inguratuta gozatu zuen Casimira Verdek bere omenezko ekitaldia.
Herriko Norte y Sur eta Iluntze taldeko dantzarien emanaldia izan zen lehenengo, eta lora-sorta bat jaso zuen omenduak, Udalaren izenean.
Orain ia mende erdi etorri zen Casimira Verde Badajoztik Abadiñora; hiru seme-alaben ama da, eta hamahiru iloba eta hamar biloba dauzka.