Abuztuaren 27an ospatuko dute Errogatiba Eguna Urkiolako Santutegian. Goizeko 09:00etan Zelaietako Andra Maria ermitatik aterata, prozesioan joango dira hainbat lagun San Rokegaz, eta 10:30ean autobusa hartuta abiatuko dira Urkiolarantz beste zenbait.
Egun-pasa joandako hainbat bisitari jasoko ditu, bihar goiz eta eguerdi partean, santutegiak; eta Bizkarra, Lagunetxe eta Buenos Aires jatetxeetan bazkalduko dute Abadiñoko ia berrehun jubilatuk.
Meza nagusia, 11:30ean, eta Talde Batuak taldeko dantzarien emanaldia izango dira goizean. Bazkalostean, berriz, Kantu taldeagaz erromeria izango da aukeran, eta 18:00etan abiatuko dira herrira bueltan. Eguna amaitzeko, Lotxorekin erromeria eta afaria egingo dituzte Zelaietan.