Laurogei urtetik gorako bizilagunak dituzten Abadiñoko 188 etxebizitzaren segurtasun-baldintzak aztertu ditu, Abadiñoko Udalaren enkarguz, Atiempo enpresak.
Badaezpadako neurri bezala, 243 ke-detektagailu instalatu dituzte bisitaturiko 180 etxetan, nahiz eta azterketaren arabera, azterturiko etxebizitzen %63ak "sute arrisku nabarmenik" ez daukan.
Martxotik jardun dute, Jose Luis Navarro alkateak nabarmendu duenez, "istripuak prebenitzeko" helburua daukan kanpaina hau garatzen. Hilabeteotan, Abadiñoko 188 etxebizitzatako gas-instalazioak zein elektrikoak aztertu dituzte teknikariek.
Bestalde, suteak prebenitzeko bideak zein sute-kasuetarako jarraibide eta aholkuak ere eman dizkiete kanpainaren hartzaileei.