Bihar hasiko dira Muntsaratz auzoko jaiak.
Bihar iluntzeko 19:00etan donien-atxa altxatzen dutenetik, hiru egunetarako jai proposamenak topatuko ditu Muntsaratzera doanak, goiz, arratsalde zein gauez. Auzotar zein herritar guztiengan pentsatuta, ohiturazko hainbat hitzordu antolatu dituzte: jaiak hasteko, Kalitatea fundazioaren laguntzagaz parrillada egingo dute bihar, 20:30ean, eta Bizargorri taldeagaz dantzaldia egongo da Muntsaratzen, 21:30ean hasita.
Zapatuan eta domekan ere, goizetik gauera norberak gura arte jai-giroan egoteko aukerak izango dira Muntsaratz auzoko jaietan: Mozorro Eguna izango da biharkoa, irailaren 4a: buruhandiekin hasi eta diskotekagaz amaitzea da jai egitarauko proposamena. Gustu eta adin guztietako lagunentzako ekitaldiak antolatu dituzte biharko, eta beste horrenbeste domekarako.