Durangaldeko Gazte Mugimenduaren Topaketak izango dituzte asteburuan, Abadiñon. Bihar hasi eta azaroaren 1era artean, borroka, feminismoa, aisialdia, komunikazioa, sexualitatea, AHT, ikasle mugimendua eta sorkuntza izango dituzte aztergai bertaratuko diren gazteek. Gaztetxean burutuko dira ekimen gehienak.
Berbaldiak, mahai-inguruak, tailerrak eta kontzertuak eratu dituzte, besteak beste. Bihar, Hudaltzainak eta Desperdicio taldeek eskainiko dabe kontzertua, eta zapatuan eztabaidari emongo deutsie garrantzia, batez be. Domekan ondorioak atera, eta bazkariagaz amaituko ditue lehenengo jardunaldi honeek.