Urtarrilean sortutako Durangaldeko
Esperientzia Institutuaren (DEI) eskutik
—ikasteko eta gizartean era aktiboan parte hartu gura duten Durangaldeko 55 urtetik gorako pertsonei zuzendutako ekimena— hiru ikastaro berri eskainiko dituzte, urrian, Durangaldeko Behargintzan.
Envejecimiento exitoso y competente, Ser mayor en el siglo XXI eta Durangaldeko Ondare Kulturala. Horrexek dira prestatu dituzten hiru ikastaroak. Urriaren 2a bitartean eman daiteke izena, hala ere, ikastaroen gaineko informazioa emateko batzarra irailaren 30ean izango da, 11:00etan, Behargintzan bertan (Laubideta 6an, Durango).
Esperientzia institutuaren arduradunek
jakitera eman duetnez, “pertsona horiek formatzeaz gainera, euren esperientzia
aprobetxatu” gura dute ekimenaren bitartez, eta “gizartean parte hartzera
bultzatu”.
Oraingo honetan, gainera, Urkiola Landa Garapenerako Elkarteak ere agertu du —horren ekintza arloarekin lotutako gaia aztertuz— parte hartzeko interesa. Horretara, DEIk eskainitako sinergiak aprobetxatuta, Durangaldeko Ondare Kulturala ikastaroa ematea lotu dute.