Joamar taldearen (Portugal) kapital sozialaren %51 eskuratzeko erosketa aukera sinatu du Cie-Automotivek. Automozioko enpresa taldeak Balore Merkatuko Komisio Nazionalari (CNMV) jakinarazi dionez, 2010eko lehenengo lau hilabetekoan egin daiteke efektibo.
Parte-hartzearen zenbatekoa erosketa aukeraren mugaegunean zehaztuko ei dute. 2008ko lehenengo bederatzi hileetan 43,7 milioi euroko etekin garbiak lortu ditu Cie-Automotivek.