Amaigabeko Lurraldea astialdi alternatiborako jardunaldiak egingo dituzte maiatzaren 1ean, 2an eta 3an Durangon, Kondaira elkarteak antolatuta. Kurutziaga ikastola hainbat jolas-jardueren aterpe izango da, goizez zein arratsaldez.
Estrategia, simulazio eta rol-jokoak zabaltzea du helburu ekimenak, eta aurten ilustrazio lehiaketa ere antolatu dute. Erakustaldiek eta lehiaketek osatuko dute egunotako egitaraua, eta parte hartzeko deia egin dute antolatzaileek. Maiatzaren 1ean, 11:00etan emango die hasiera jardunaldiei. Errota aterpean lo egiteko lekua hartzeko aukera ere bideratu dute.