Jaurlaritzako Larrialdietako teknikoak azaldu duenez, 05:30ean jaso dute SOS-DEIAK-en abisua eta Ertzaintza, Osakidetzako anbulantzia eta Bizkaiko hainbat suhiltzaile-etxe bertaratu dira: Iurreta, Basauri eta Markinako suhiltzaile-etxeak eta Urioste eta Derioko zati bat etorri dira Arzubia industrigunean kokatutako enpresara. Aitatu dugun moduan, bederatzi behargin arin zauritu dira eta inor ez dute eroan erietxera. Enpresaren egitura hormigoizkoa zen eta zutunik mantendu da
Magnesio eta aluminio galdategia izanik enpresan zeuden gatz berezi batzuk erabili dituzte sua amatatzeko, urarekin ezin da-eta itzali magnesioa. Su garrak momentuan itzali dituzte, eta 10:30ak inguruan izan dute kontrolpean sutea. Horretarako irindutako kareharriarekin 10-12 metro kubikodun kamioia ekarri dute. Horrekin estali dute sua. Hala ere, suhiltzaile-taldea geratu da datozen 24-48 orduetan sua berpiztu ez dadin. Inguruko Dana-Air, Recambios Lizundia ea Mekatrok enpresei ere eragin die suteak. Bart sortutako sua itzaltzera suhiltzaileen hiru garabi, lau kamioi eta zisterna bi joan dira. Lanean 25 suhiltzailek jardun dute, jakitera eman dutenez.Argitzeke dago suaren sorrera
Argitzeke dago non eta zelan sortu den sutea. Hala ere, arratsaldeko txandan lanera sartzekoa zen langile baten berbetan, aluminioaren akabera sailean sortu da eztanda, “
gune suharbera eta aldakorra”. Gaineratu duenez, “goialdean bulegoak ere bazeuden eta jausi egin dira. Eskerrak inor ez zela lanean”. Sutearen albistea arduratuta hartu duela adierazi du, “magnesioak duen arriskuagatik”. Abadiñoko alkate Jose Luis Navarro ere bertaratu da eta eskertu du zauri arinak izan dituztela langileek. Langile eta enpresaren eskura jarri da Udala, “ahal den neurrian laguntzeko”. Enpresa komitean dago ELA sindikatua eta gertatu dena argitzea eskatu dute. “Langile batzuk azaldu dute aireztatze-sistemak ez ziharduela behar den moduan . Goiz da ezer esateko, hala ere, sutea non eta zelan sortu den argitzea gura dugu”. Joan zen ostegunean ere izan zen sutea Fundimag enpresa. Sute txikia izan zen hura eta inor ez zen zauritu. Bigarren sutea izateak be arduratzen du ELA azaldu dutenez.
Langileen egoerak arduratzen diela azaldu du ELAko ordezkari Itziar Gabikagogeaskoak eta egoerari aurre egiteko ahalik eta lasterren enpresarekin hartu-emanean jarriko direla azaldu du, behin betiko zein behin behineko egoeran diren enpresako langileekin lotutako akordioez jarduteko.
Kalteen balorazioa
Bost ditu 35 langile inguruko Fundimag enpresak. Bertako gerenteak azaldu duenez, “kalteen balorazioa” egin gura dute eta “ahalik eta azkarren enpresaren jarduera berriro ere martxan jarri”.