San Kristobal bezperan emango die ongietorria auzoko jaiei Mendiolan. Trikitilariek girotuta Donien-atxa altxatuko dute astelehenean, 19:00etan, eta usadioari eutsiz, berakatz-zopa ere izango da ondoren auzokoentzat. Martitzena, San Kristobal eguna, izango da egun handia Mendiolan.
Abadiñoko ezpatadantzariek eskainiko dute saioa 11:30eko meza amaitzean, eta gazta, ogia eta ardaoa izango dira hurreratuko direnentzat. Abadiñoko harri-jasotzaile gazteen saioa hasiko da 13:00etan (Urdax Magunazelaia, Gaizka Uriarte eta Xabier Agirre izango dira) eta briska txapelketa 17:00etan; 19:00etan, Oiergi taldearekin erromeria izango da.
Kupela taldea
Hurrengo asteburuari begira eratutako ekitaldiak be asko dira. Besteak beste, antzinako autoen erakusketa, herri-bazkaria, Abadiñoko XII. Artzain Txakurren Txapelketa eta
umeentzako jolasak izango dira, hilaren 14an. Bertsolariak, tortilla txapelketa eta Kupela taldearekin erromeria ere bai.