AHTak harrobietan izango duen eragina salatu dute

Abiadura Handiko Trenarekin (AHT) lez, “ezkutuan, informazioa ukatuz eta isilpean”, Durangaldea harrobiz “betetzeko aukerari bide ematea” salatu du Durangaldeko AHT Gelditu! Elkarlanak: “Harrobien inguruko lurraldeko zati-planaren aurrerapena ezagutu dugu eta kareharria dagoen eremu guztietan harrobi berriak zabaltzeko aukerari bide legala ematen zaio”. “Porlanezko munstro erraldoia” den AHTak ekarriko lituzken “kalte larriei” harrobiak ugaltzea eta “ustiapen basatia” gehitu behar zaizkiela diote.

Hori aintzat hartuz, Atxarten batu dira. “Hainbat tonako ustiapena aurreikusita”, harrobi hori berreskuratzeko asmoa hor dagoela gogoratuz; dauden harrobiak handitu, itxitakoak berriz zabaldu eta berriak martxan jarri ei daitezke; “Anboto, Alluitz, Aramotz… dena bihurtu daiteke harrobi”, diotenez: “AHTa hain gertu badoa, harria ateratzeko errazen bertan dute”.

“Larritasunez” ikusten dute AHTa egiteko asmoa aurrera doala Elkarlanekoek: “Isilpean, egite gauzatuen politika inposatu guran”. Beraz, Atxondon, bihar 17:00etan egingo den manifestazioan parte hartzera deitu dute; eta martxoaren 31ko AHTaren aurkako egunean ere bai. Atxondon egingo den herri-galdeketa txalotu egin dute