Aire konprimituzko eskopetak eta pistolak —4. mailako armak— dituzten herritarrak armok Udaltzaingora eroan ditzaten dei egin du Udalak.
Arma horiek erregistratzeko eta bakoitzari dagokion arma-txartela eskuratzeko egin dute deia; horrela, Arma eta Lehergailuen gaineko legeria betearazteko, jakitera eman dutenez. Tramite hori betetzeko ekarri beharreko agirien zein beste edozeren gaineko informazioa lortzeko, Udaltzaingora deitu daiteke: 94 621 55 33.