Etxebizitza sozialak eraiki ditzaten eskatzeko sinadura bilketa egingo dute, asteburuan, Abadiñoko hainbat auzotan. Abadiñoko Iratxoen izenean abiatutako ekimenaren helburua Udalak Muntsaratzen aurreikusitako hirigintza plangintza bertan behera uztea da. Argitu dutenez, "240.000 euroko babeseko etxebizitzak alde batera uztea eta 120.200 euro inguru balio duten etxebizitza sozialak eraikitzea" gura dute.
Traña-Matienan, 19:30etik 21:00etara jardungo dute, gaur; bihar, 12:00etatik 13:30era eta 19:30etik 21:00etara; eta etzi, 12:30etik 14:00etara. Bihar eta etzi izango dira Zelaietan, 12:00etatik 14:00etara. Muntsaratzen, bihar, goizez ere bai.