Uriarteren berbetan, “AIk auzitegiak eta hedabideak erabiltzen dihardu hautestontzietan lortzen ez duena lortzeko”. Instrukzio epaileak defentsak eskatutako artxibatzea ukatu izana gezurtatu du Uriartek: “Ez da erabakirik hartu, artxibatzea eskatu ondoren, gertaera desberdin batzuk direla-eta Jose Luis Navarroren eskutik salaketa berri bat aurkeztu da-eta. Eta horren gainean, ez da frogarik egin”.
Alkatearen jardueran “anomaliak” ikusten dituelako salaketa gehiago aurkeztea eskatu izana ere gezurtatu du: “Dokumentuzko froga egin dadin argitzea eskatu die, lehenengo salaketan eskatutakoaren zati bat aurkeztuta zegoen-eta”. Bestalde, salaketa horretan aitatutako agiri batzuk aurkeztea eskatu ei du epaileak, defentsaren eskariz.
Uriarteren ustez,epaiketa “luzatzea” gura du AIk, baina epaileak dituen salaketekin erabaki bat hartzea espero du: “Ez dut uste gehiago sartzen utziko duenik”. Dioenez, “susmoak” baino ez daude, eta “salaketak onartuta ere, alkatea ez da prebarikatzailea prozedura amaitu arte”. AIren jardunari “funts gabekoa” deritzo: “Errudun joz gero, banoa. Ia jarrera berdina duten”.