Elixabete Etxanobe otxandiarra izendatu dute Bizkaiko ahaldun nagusi, Batzar Nagusiek gaur Gernikako juntetxean egindako bilkuran. EAJren 23 batzarkideen eta PSE-EEren zortzi batzarkideen botoak lortu ditu.
EH Bilduko hautagaiak, Iker Casanovak, bere taldekideen botoak baino ez ditu jaso, 14 guztira. PP eta Elkarrekin Bizkaia taldeetako batzarkideek boto zuria eman dute.
Bozketa amaituta, Etxanobek, zin egin du Gernikako arbolaren azpian, eta Bizkaiko Batzar Nagusietako lehendakari Ana Otaduiren eskutik aginte makila jaso du.
Datozen lau urteotarako lan ildo nagusiak azaldu ditu Etxanobek. Bizkaia “berdinzaleagoa eta gizarte kohesionatu eta aurreratua” lortu gura duela adierazi du.
Itxaso Berrojalbiz, orain arte Zornotzako zinegotzi eta Bizkaiko batzarkide izan dena, Bizkaiko ogasun diputatu izango da aurrerantzean.